News Saturday, October 3, 2010
Cawil Maxamuud Cabdi

RBC Radio, Gaalkacyo

Cawil@raxanreeb.com

Muqdisho (RBC Radio):- Iska hor imaad ayaa goor dhaweyd ka dhacay degmada Hodan ee magaalada Muqdisho, kaasi oo u dhaxeeya ciidanka Amisom iyo kooxaha ka soo horjeeda Dawladda FKMG Soomaaliya.

Iska horimaadkani ayaa ka dambeeyay kadib markii ciidanka Amisom ay la wareegeen gacan ku heynta Isbitaalkii Xooga ee degmada Hodan halkaasi oo fariisin u ahaan jirtay Ururka Xisbul islaam, waxaana labada dhinac iska hor imaadka dhexmaray ay isu adeegsadeen hubka noocyadiisa kala duwan.

Lama garanayo khasaaraha dhabta ah ee soo kala gaarey dhinacyada ku dagaalamay maanta degmada Hodan ee Muqdisho, hase ahaatee waxaa cabsi xoogan laga muujinayaa tiro madaafiic ah oo labada dhinac ay isku tuureen in ay geystaan khasaare nafeed.

Ciidanka Amisom ayaa gudaha Muqdisho ka wada isku balaarinta fariisimo cusub oo ay ka daafacayaan dawladda FKMG Soomaaliya, waxaana hadda ugu dambeysay Isbitaalkii xooga oo ay ka fara maroojiyeen ururka Xisbul Islaam.
 

Source: