News Friday, October 15, 2010

Waxaa isa soo taraya cambaareynta ku wajahan qarax maanta lala eegtay Wasiirka Warfaafinta maamulka Puntland Mudane C/xakiim Axmed Guuleed qaraxaasi oo ka dhacay degmada Boosaaso ee xarunta gobolka Bari. Maamulka Hay’ada PMRC ayaa soo saarey dhambaal cambaareyn ah oo ay soo gaarsiiyeen Warbaahinta RBC Radio iyo Barta Internetka ee Raxanreeb.com, waxana dhambaalkaasi cambaareynta ah uu u qornaa sidatan. Cambaarayn Qaraxii wasiirka Warfaafinta Puntland Waxaan la wadaagaynaa inta samaha jecel ka xumaanta iyo canbaaraynta qaraxii lala eegtay wasiirka warfaafinta Puntland ee ka dhacay magaalada Boosaaso. Mahad eebbe waxa ay uga sugnaatay inaan wasiirka wax dhibato ahi ka soo gaarin qaraxaas, waxanse ku baaqaynaa in sharciga la hor keeno kuwii falkaas ku lug lahaa. Wasiirka Warfaafinta ee Puntland C/xakiin Axmed Guuleed waxa uu ka mid yahay wasiirada ugu dhaw wariyayaasha iyo warbaahinta, inkasta oo marka ay dhibaato soo gaarto wariye meesha ugu horraysa oo la cuskadaa ay noqoto wasaraddiisa, sababtuna ay tahay shaqada. Mar kale PMRC waxa ay cambaaraynaysaa dhibaatooyinka noocaas ah ee lagula kacayo wariyayaasha, madaxada iyo dadwaynaha intaba. Eebbe wayne waxaan waydisanaynaa in uu ammaanka iyo dagaansho waara inasiiyo. Salaama, Puntland Media Resource Cener Mahad Jama Koront

Source: