News Monday, October 11, 2010
Xukuumadda Somaliland oo si Weyn u Dhintay Lacagtii Laga Qaadi Jiray Xoolaha ka Dhoofa Marsada Berbera
| | Daawatay: 97 | |

Hargeysa, Oct, 10, 2010-(Berberanews)-Wasiirka Wasaaradda Xanaanada Xoolaha Dr: Axmed Xaashi Nuur Oday ayaa maanta soo saaray digreeto uu ku dhimay qimaha cashuuraha laga qaado Xoolaha ka dhoofa Maxjarka Xoolaha Berbera ee uu hirgeliyay Ganacsade Al-bjaaibiri.




Qiime dhimista cashuuraha ee uu Wasiirku soo saaray, ayaa dhigaysa in halkii Neefka Geella ah iyo ka Lo’da ah ee Wasaaradda Maaliyaddu ka qaadi jirtay 23$ in laga dhigay 18$ halkii Neefka Adhiga ah laga qaadi jiray 7.5 kana waxa uu ka dhigay 5$ .






Sidoo kalena cashuurtii Maxjarka ee laga qaadi jiray Geele iyo Lo’da 5$ ayaa waxa uu ka dhigay 3$ halkii neef ee Adhigana halkii uu ka ahaa 3.5 waxa uu ka dhigay 2$.





Qiime dhimmista Wasiirku soo saaray, ayaa laa xidhiidhinayaa dhawr arrimood oo ay ugu horrayso tartan qiime dhimmis ah oo uu dhawaan sammeeyey maxjarka Xolaha Boosaaso iyo cabashooyin badan oo ka soo yeedhay ganacsato reer Somaliland oo xoolo tiro badan dawladda Sucuudigu dib ugu soo celisay, taasoo khasaare badan u soo hoysay.





Dawladda Sucuudiga, ayaa ugu yaraan dib ugu soo celisay magaalada Berbera affar markab oo xoolo ka qaaday saddexdii todobaad ee tegay.


Berberanews.com

Berbera, Somaliland

Email, info@berberanews.com




 

Source: