News Monday, 29 March 2010
Hargaysa,(Qarannews)-Waxa caawa fiidkii hore ka da'ay magaalada Hargaysa roob laxaadleh oo in ku dhow laba saacadood da'aayay, roobkani oo watay dhagaxaan baraf ah iyo dabaylo oo lahaa dhibco xoogan ayaa maasheeyay dhamaan gobolka Hargaysa. Roobkani oo hakad galiyay isu socodka magaalada intii uu da'aayay ayaan la sheegin ilaa hada wax khasaare ah oo uu gaystay, roobkani ma uu ahayn kii ugu horeeyay ee dhawaanahan da'ay hase ahaatee mudo laga joogo 20 cisho ayaa gobolka Haragysa iyo guud ahaan dalka oo dhan uu ka curtay, hase ahaatee roobkani caawa fiidkii da'ay ayaa watay dhagaxaan baraf ah oo aad u faro badan. Dhanka kalena roobabka ayaa ka da'ay gobolada Gabiilay iyo Awdal kuwaasi oo in mudo ah iyana da'aayay ilaa hada lama soo sheegin wax khasaare ah oo ay gaysteen.
Source: