News Monday 19 July 2010
3 Wasiirka Gaashaandhiga oo ka hadlay dagaal ka dhacay deegaanka Widh Widh

Hargaysa, (Somaliland.org)-Wasiirka Gaashaandhiga Saleebaan Warsame Guuleed ayaa ka hadlay weerar ay xalay ku soo qaadeen kooxda Somaliland-diidka ah ee isku magacawday SSC waxaanu wasiirku sheegay in kooxdaasi ay xalay goor dambe ay weerar ku soo qaadeen ciidamada qaranka Somaliland ”Xalay kowdii ilaa labadii ayaa kooxdaas nabadiid ahi waxa ay weerar ku soo qaadeen Ciidanka Qaranka Somaliland ee ku sugan jiidda Widhwidh, hase ahaatee Ciidanku wuu ka war helay oo wuu iska caabiyey isla saaka todobadii markii ay saacadu ahayd ayay haddana weerar kale soo qaadeen, halkaas dagaal ayaa ka dhacay oo Ciidanka Qaranka halka Askarina wuu ka dhintay mid kalena wuu kaga dhaawacmay” ayuu yidhi wasiirku waxaanu intaa raaciyey “Waxa weeye Ciidanku shacabkiisii ayuu la degan yahay, waxaa waajib ah inuu shacabkiisa u tudho.” waxa ay Saraakiisha Ciidanku na soo gaadhsiiyeen inay qabteen tiro ka mid ah Maleeshiyadii soo duushay, oo ay si nabad gelyo ah u hayaan.” Wasiirku waxa sheegay in khasaaraha dagaalka ay gadaal ka soo gudbin doonaa, isla markaana waxa uu tilmaamay inay dagaalkii istaagay oo hadda aanu wax dagaal ahi socon.

Somaliland.org

Wararka Somaliland

Source: