Hay'ad Suugaanta Lagu Kaydinayo Oo Lagu Magacaabay Hadraawi Heritage Foundation Oo Hargeysa
February 19, 2010

Munaasibad balaadhan oo ay kasoo qayb galeen madax sare oo ka kala socday dawlada ,xisbiyada mucaaridka ah iyo waliba marti sharaf kale ayaa lagu qabtay Huteelka MaansoorHalkaas oo lagaga dhawaaqay Hayad lagu ururinayo Kaydka Suugaanta Soomaaliyeed oo loo bixiyay Hadraawi Heritage Foundation.

Hayadan oo fikirkiisa uu lahaa xildhibaan Maxamed Cali Xirsi oo ka tirsan golaha wakiilada Somaliand ,isagoo sheegay inuu ugu talogalay in goobtan noqoto goob lagu soo hirdo islamarkaana badbaaddo u noqoto suugaanta Soomaaliyeed oo halis ku jirta, waxaanu intaa ku diray Xildhibaan Maxmed Cali Xirsi goobtan qayb wayn ka qaadan doonto badbaadinta afka soomaaliga.

BoobeYuusuf Ducaale oo ah qoraa wayn oo aad loo yaqaano ayaa ka sheekeeyay taariikhdii abwaanka wayn ee Maxamed Ibraahim Warsame Hadraawi oo uu sheegay inuu dhashay 1943 kuna dhashay gobolka Togdheer.

Waa markii ugu horaysay oo hayad noocan oo kala ah laga hirgaliyo oo loogu talo galy in lagu kaydiyo suugaanta soomaalida,islamarkaana lagu magacaabo abwaan caan ah isagoo nool.

Marti sharafta goobta ka dhex muuqday waxa kamid ahaa gudoomiyaha golaha guuritda Saleebaan M.Aadan (Saleebaan Nuur),Gudoomiyaha xisbiga Kulmiye Axmed Maxamed Maxamuud (Siilaanyo) wasiirka Hidaha iyo dhaqanka Somaliland Cabdirisaaq Waaberi iyo waliba marti sharaf kale.

Hayadan oo noqonaysa midii ugu horaysa ee nooceeda ah ee laga hirgaliyo Somaliland ,waxaana goobta loogu ururiyay lacag dhan 65.000 Dollar oo loogu talo galay in lagu dhiso xarunta cusub ee logu magacdaray abwaanka wayn ee Hadraawi (Hadraawi Heritage Foundation) halkaas oo nashqada iyo qaab ka looo dhisayo uu ku soo bandhigay Xildhibaan Maxamed Cali Xirsi oo isagu fikrada Hayadan ka soo burqatay.


Source: Gabiley News