News Tuesday, Aug 31, 2010
August 31, 2010 Siilaanyo oo Buriyay Balanqaadkiisii Furista Ururada Siyaasadda Madaxwayne Siilaanyo iyo Xisbiyada oo u Tafo Xaydan dib u dhigista Doorashooyinka Golayaasha

Hargeysa (Waaheen) Madaxweynaha Somaliland ayaa shalay kulan lagaga hadlayay waxa laga yeelayo wakhtiga doorashada golayaasha oo kaabiga inagu soo haysa kula yeeshay Madaxweyne ku xigeenka, Shir-guddonada labada gole (Guurtida iyo Wakiilada), hoggaamada saddexda Xisbi Qaran iyo Komishanka Doorashooyinka Qasriga Madaxtooyada .

Sidaasna waxa lagu sheegay warsaxaafadeed ka soo baxay xarunta madaxtooyada oo uu ku saxeexnaa afhayeenka madaxweynaha Somaliland Mud. C/laahi Maxamed Daahir (Cukuse). Kaasoo lagu sheegay in ay isla qaateen in dib loo dhigo Doorashooyinka isla markaana u saaray Gudi ka soo talo bixisa mudada uu dib u dhacaasi qaadanayo

Warsaxaafadeedkaas oo dhamaystiran ayaa waxa uu u dhignaa sidan

“Kulan balaadhan oo maanta ka dhacay Guriga Madaxweynaha Jamhuuriyada Somaliland oo ay ka soo qaybgaleen Madaxweynaha JSL, madaxweyne ku xigeenka, Shir-guddonada labada gole (Guurtida iyo Wakiilada), hoggaamada saddexda Xisbi Qaran iyo Komishanka Dorashoyinku, ayaa si guud layskula waafaqay in aanay sababo badan awgood aanay suurtagal ahayn qabashada doorashada goleyaasha Guurtida iyo Wakiilada oo ay muddo aad u yari ka hadhay, iyada oo la ogyahay in ay tii deegaanaduna muddo dhaaf tahay.

Kulankan oo ay ujeedadiisu ahayd sidii uu qaranku talo uga yeelan lahaa doorashooyinka goleyaasha ee kaabiga inagu soo haya, ayey madaxdu ku lafo gureen duruufta dhaqaale iyo ta siyaasadeed ee dalka, gebagebadiina waxa la isku raacay in ay madaxda sadexda Xisbi iyo Komishanka doorashooyinku ka soo talo bixiyaan wakhtiyada ku habboon iyo duruufaha kale ee ku gedaaman doorashooyinka , sida shuruucda ay badhkood qabyo yihiin.

Xubnaha ka qayb galay kulankan waxay kala ahaayeen sidan:- Madaxweynaha JSL Mudane: Axmed Maxamed Maxamuud ( Silaanyo )

1. M/wayne ku-xigeenka JSL Mudane: C/raxmaan C/laahi Ismaaciil ( Saylici)
2. Gudoomiye kuxigeenka Kowaad ee Golaha Guurtida Sh. Axmed Nuux
3. G/ xigeenka Labaad ee Golaha Guurtida Mudane: siciid Jaamac Cali
4. G/ ku-xigeenka labaad ee Golaha Wakiilada Mudane Baashe Maxamed Faarax
5. Gudoomiyaha Komoshanka Doorashooyinka Qaranka Eng. Ciise Yuusuf Maxamed
6. Af-hayeenka Komishanka Doorashooyinka Qaranka maxamed axmed Xirsi Geele
7. iyo laba Xubnood oo kale oo komishanka Qaranka ah oo kala ah