Wasiiru Dawlihii Arrimaha Dibada Somaliland Oo Maanta Si Heer Qaran Ah Loo Aasay
December 24, 2009

Madaxwaynaha Somaliland Dahir Rayaale Kaahin ayaa Maanta ka qayb galay Aaska Marxuum Saciid Maxamed Nuur oo ahaa Wasiiru Dawlaha Arimaha Dibada Somaliland oo Habeen hore ku geeriyooday Magaalada Hargesya.

Waxa iyaguna aaska ka qayb galay Guddoomiyaha Xisbiga Kulmiye Axmed Maxamed Siilaanyo, Xubno ka tirsan Golayaasha Qaranka iyo Dadwayne kale oo aad u tiro badan.

Masuuliyiintii aaaska ka qayb gashay ayaa dhammaantood ka waramay Taariikh Nololeedkii Marxuumka iyo sidii uu uga soo qayb qaatay maraaxilkii kala duwanaa ee ay Somaliland soo martay gaar ahaan kaalintii uu ka soo qaatay Halgankii qadhaadhaa ee Dalka lagu xoreeyay. Isaga oo Xilal kala duwan oo sar sare ka soo qabtay Hogaaminta Halgankaasi.

Alle ha u Naxariistee, Marxuum Saciid Maxamed Nuur ayaa muddooyinkii ugu danbeeyay Wasiiru Dawlaha Arimaha Dibada Somaliland. Iyada oo Dadkii aqoonta u lahaa ay ku sifeeyeen in uu ahaa Nin Daacad ah oo Nadiif ah.


Source: Gabiley News