Guddoomiye-Xigeenka Baarlamaanka Kenya Oo Beri Qudbad Wada-jir Ah U Jeedinaya Labada Gole Ee Baarlamaanka Somaliland
December 23, 2009

Guddoomiye ku xigeenka kowaad ee Baarlamaanka Kenya Faarax Macallin ayaa beri ka jeedinaya qudbad uu kula hadlayo xildhibaanadda labada Gole ee Baarlamaanka Somaliland ( Guurtida & Wakiiladda) oo si wada-jir ah u fadhiisan doona xarunta Golaha Guurtida

Qudbada Faarax Macallin ayaa la filayaa inay ku saabsanaato arrimaha Siyaasadeed ee ka taagan Caalamka gaar ahaana inuu uga xog waramo ta mandaqada Geeska-Afrika oo ay dhibaato weyni ka taagan tahay, sidoo kale waxa uu kaga hadli doonaa ujeedada safarkiisa iyo wixii uu Somaliland ku arkay mudadii uu joogay

Qudbada guddoomiye ku xigeenka Baarlamaanka Kenya waxa lagu sheegay qoraal maanta ka soo baxay Baarlamaanka Somaliland oo la isugu yeedhayay xildhibaanada labada Gole oo u dhignaa sidan “Dhamaan mudanayaasha labada Gole (Guurtida & Wakiiladda) waxa lagu wargalinayaa in maalinta burrito (khamiista) ee ay bishu tahay 24/12/2009, saacadu markay tahay9:00 ay iskugu yimaadaan xarunta Golaha Guurtidda, halkaas oo ay kula kulmi doonaan, kuna dhagaysan doonaan wafti uu hogaaminayo Guddoomiye-ku-xigeenka Baarlamaanka kiiniya Mudane Faarax Macalin.

Waxala idinku wargalinayaa inaad wakhtiga dhawrtaan
C/laahi Ibraahim Habane                C/risaaq Siciid Ayaanle
Xoghayaha Golaha Guurtida  k/s    xoghayaha Golaha Wakiiladda


Source: Raxanreeb