Ahlusunnah Waljamaaca
December 31, 2008

Caalamka, Islaamiga ahi maanta marka la eego, wuxuu u qeybsamaa Sunniyiin iyo Shiico. Suniyiintu waa 90% Musliyiinta maanta adduunyada ku nool. Ahlusunnah Waljamaaca waa aqlabiyadaa Muslimiyiinta, marka laga reebo dhaqdhaqaaqyada xagjirka ahayn; kuwaas oo u haysta aqlabiyada Ahlu- Sunnah Waljamaaca inney gaala yihiin. Markaa xarakadan tooska uga hortimid Alshabaab iyo falalkooda aan diiniga ahayn, sidda xabaalo faagidda, waa horseedkii aqlabiyada Muslimiinta Soomaaliya, amma Soomaali meelay joogtaba; taas oo ka soo jeeda bahweynta Ahlusunna Waljamaaca ee matisha, Bulshadda muslimka ah ee maanta adduunka ku nool, marka shiicada laga reebo.

Ahlu-Sunnah Waljamaaca oo ah aqlabiyada Soomaalidu, waa xoog nabada jecel iyo inney bulshadu is afgarad ku wada noolaato, diintana lagu faafiyo, "Wa man axsanu qawlan mimann dacaa ila-LLaahi" Oo aan adeegsan qori iyo xabad. Caqiida ahaana Soomaalidu waxay haystaan caqiidadii selafkii suubanaa ee 4-ta Madhab ay ku kulansanaayeen.

Kahor immaatinka ay kahoryimaadeen xabashida iyo, dagaaladii xabashidda lagula jirreymarkey u badeleen xabaalo la faago oo lala soo babaxo lafihii mashaa'iikhdii Soomaaliyeed ee diinta dalka ku faafisay, waxaa jihaad xaq ah noqdey in laga hortaggo oo loo midoobo sidii mowjadaa loo hakin lahaa.

Warbaahinta Soomaalida ayaad marmar ka maqlaysaa amma ka akhriyeysaa codad odhanaya dariiqooyinkii suufiyada iyo Alshabaab ayaa dagaalamaya. Dariiqooyinka suufiyadu amma Tasawufku sidiisaba waa laan ka mid ah Ahlusunnah Waljamaaca oo muujinaya Jaanibka Ruuxiga ah ee Islamka. Markaa haddey ciddi ka hortimaado xagjirkaa Suufiyadu iyadoo ku millan kana mid ah Ahlusunnah Waljamaaca ah ayey howlgaladaa lagu xakameynayo xagjirka ka qayb galeyaan. Tajamacu Culamadu bayaankey soo saareen waa in la tageeraa, Alshabaabna waa inney raaligalin ka bixiyaan xabaalahay fageen iyo lafahay labaxeen. Kadibna waa in ay arrinta Muslimiinta soo dhexdhigaan oo aanay u muuqanin koox xoogmooyee waxkale aan adeegsaneyn.


Somalilandhorta