Diwaangalintii Gobolka Togdheer Oo La Soo Gabagabeeyay Iyo Natiijooyinka Soo Baxaya
December 19, 2008

Diwaangalintii ka socotay G/togdheer ayaa xallay saqdii dhexe la soo gabagabeeyay,ka dib markii ay dhamaatay wakhtigii loogu talagalay inay socoto.

Gudaha magaalada Burco ayaa tirada iska diwaangalisay lagu sheegay inay gaadhayso,121,kun qof,kuwaasoo ah goobaha gudaha magaalada ah.

Haseyeeshee ilaa hada lama hayo wadarta Guud ee gobolka Togdheer,balse waxa lagu tilmaamayaa inay gaadhayso ilaa 300-qof.Sidoo kale Degaanka Oodweyne ayaa lagu sheegaya inay iska diwaan galiyeen in kabadan lixdan qof.

Si kastaba ha ahaatee berito galinka dambe ayaa si Rasmi ah loogu dhawaaqi doonaa Natiijada dhabta ah ,ka dib markay soo wada xareedoon natiijooyinka ka imanaya goobaha ka baxsan magaalada Burco.

Waxa ilaa caawa ku soo qulqulaya Xarunta Komishanka Burco,gaadaiidkii iyo natiijooyinka goobaha ka baxsan Magaalada.

Iyadoo lagu jiray maalintii u dambaysay ee diwaangalinta Togdheer ayaa hadana waxa soo badanayay dhibaatadii ugu waynayd taasoo ah,iyadoo ay goobihii ka dhamaadeen waraaqihii diwaangalinta iyo khadadku,islamrkaana laga waayay xaruntii komishanka wax kayd ah,sidaas darteed ay xidhmeen goobo badan iyagoo dadkii wali tuban yahay.

Source: Hadhwanaag