Waftigii Itoobiyaanka Ahaa Iyo Ganacsatadii La Socotay Oo Dalka Dib Uga Amba Baxay
August 30, 2008

Weftigii ka socoday wadanka Itoobiya ayaa Maanta ka Ambabaxay dalka ka dib markii booqosho qadatey dhawr maalmood ay ku joogeen magaalada madaxda dalkan JSL ee Hargeysa.

Weftigan oo ka koobnaa 32 xubnood oo isugu jira fanaaniin iyo Ganacsato, waxa mudadii ay ku sugnaayeen dalka ay ku soo bandhigeen Goobo kala duwan oo ka mid ah caasimada Masrixiyaddo Qayb ka ah Xuska Laba Kun Guurada Milliniunka Itoobiya, iyaga oo sidoo kalena la yeeshay Kulamo masuuliyiinta Somaliland.

Weftigan oo u baqooley dhinaca wadankaasi Itoobiya waxa si sagootiyay Duqa caasimada Hargeysa Inj. Xuseen Max,muud Jiciir Safiirka Itoobiya u jooga Somaliland Ambassador Webshet iyo Cali Yaambo oo ka tirsan saraakiisha wasaarada arimaha Gudaha , kuwaas oo usii gelbiyey weftigan dhinaca magaalada xaduuda ku Taala ee wajaale.

Weftigaasi waxay si wayn uga mahad celiyeen sida fiican ee loo soo dhaweeyey Somaliland iyagoo xusay in xukumad iyo shacabba loo muujiyey dareen walaaltinimo oo ka turjumaya xidhiidhka wanaagsan ee ka dhaxeeya labada wadan.

__

Source: Gabiley Net