Wasiirka Arrimaha Dibada Ethiopia Seyoum Mesfin Oo Goor Dhoweyd Gaaray Magaalada Baydhabo
October 31, 2007

Warararka naga soo gaaray Magaalada Baydhabo ayaa sheegaya in Wasiirka Arrimaha Dibadda Ethiopia iyo wafdi uu hoggaaminayo ay Magaaladaas soo gaareen, iyagoo halkaas wada hadalo kula leh Madaxweynaha Dowladda Kmg ah iyo Afhayeenka Baarlamaanka.

Socdaalka Seyoum Mesfin ee Magaalada Baydhabo ayaa ku soo aaday 3 Maalmood kadib markii uu is casilay Ra段isul Wasaarihii hore ee Soomaaliya Cali Maxamed Geeddi oo muddo is qabteen Madaxweyne C/llaahi Yuusuf, lamana oga in booqashadan salka ku hayso cidda loo Magacaabayo Jagada Ra段isal Wasaaraha Soomaaliya.

Wararka ayaa sheegaya in Seyoum Mesfin markii uu Baydhabo soo gaaray isagoo ay la socdaan xubno ka tirsan Golaha Wasiirada Addis Ababa wada hadalo la bilaabay Madaxweyne C/llaahi Yuusuf iyo Afhayeenka Baarlamaanka Sheekh Aadan Madoobe.

Mr Seyoum iyo Madaxda Dowladda ayaa la sheegayaa in wada tashiyo hoose leeyihiin, inta badan wadahadalada ayaa waxay salka ku hayaan cidda loo magacabayo Jagada Wasiirka koowaad ee Xukuumadda Soomaaliya kadib markii uu meesha baneeyay Ra段isul Wasaarihii hore Cali Maxamed Geeddi.

Ethiopia waa awooda koowaad ee Dowladda Soomaaliya u suurtigeliyay in ay meesha ka saarto Maamulkii Maxkamadihii Islaamiga, waxayna door weyn ka cayaari kartaa Xukuumadda Addis ababa in ay cod ka dhiibato cidda noqonayso Ra段isul Wasaaraha cusub, mana dhici karto shaqsi Ethiopia aan rabin in dalkan uu Ra段isul Wasaari ka noqdo

__

Source: Jowhar

 
Printer Version