|
|
NEWS
|
|
|
Saan Saan Dagaal oo laga dareemayo Duleedka Kismaayo
iyo Deegaanka Buulo Gaduud
May 31, 2007
Abaabuloi ciidan oo xoog leh ayaa laga dareemayaa Duleedka Magaalada Kismaayo
iyo Deegaanka Buulo Gaduud, iyadoo dhinacyadii hore ugu dagaalamay Kismaayo ay
wadaan dhaq dhaqaaqyo ciidan.
Wararka laga helayo Kismaayo ayaa waxa ay sheegayaan in dhinacyada isku haya
Magaalada Kismaayo ay wadaan is uruursi dhinaca ciidanka ah.
Dadka ku dhaqan Magaalada Kismaayo ayaa sheegaya in ay ka cabsi qabaan in mar
kale dagaal qaraar oo faraha looga gubto uu ka dhaco Kismaayo, marka loo eego
abaabulka ay labada dhinac wadaan.
Deegaanka Buulo Gaduud waxaa ku sugan Maleeshiyaad taageersan Madaxweynaha oo
laga soo saaray Kismaayo, waxaana la sheegay in dhankooda ay ka wadaan abaabulo
ciidan, iyadoo maalinimadii shalayna ay halkaas soo gaareen Ciidamo fara badan
iyo saanad hub ah oo ka yimid Baydhabo.
Sidoo kale Kismaayo ayaa waxaa harqinaya duleedkeeda ciidammo fara badan oo ka
tirsan Maleeshiyooyinkii hore ula wareegay gacan ku heynta Kismaayo, waxaana ay
isku dayayaan in ay difaacaan gacan ku heyntooda Kismaayo.
Wararka ka imaanaya Kismaayo ayaa waxay tibaaxayaan in cabsi weyn ay la soo
daristay dadka shacabka ah ee ku sugan Kismaayo waxaana dadku ay sheegayaan in
dagaallo ay lagama maarmaan noqon karaan marka loo eego isku hub urursiga u
dhexeeya labada dhinac.
__
Source: Jowhar
Printer Version
| |
|
|