|
|
NEWS
|
|
|
Weriye Dahir Alasow : Xoogaga waxay kulaalayaan
Madaxtooyada, Ina Xuubsireed iyo kooxdiisina way isaga carareen mar hore
March 31, 2007
Wariye Dahir Abdulle Alasow ayaa sheegay in Xoogaga Kacdoonka ay kulaalayaan
Villa Somaliya halkaas oo fariisin u ah Madaxweyne Yusuf balse uu isaga cararay.
" Dagaalka xoogaga maaha mid gawaari dagaal loo adeegsanayo balse Ninkii dhoof
ku yimid beey geeridu dhibeeysaa ayay ku dagaal gelayaa,run ahaantii looma kala
harin dagaalka,wuxuuna argagax iyo xabsi geliyay Ciidamadda Uganda oo intii aan
joogay Jiida hore ee Dagaalka ka bixi waayay khadka telefoonka iyagoo codsanaya
in jaanis la siiyo ,inta ay iska saarayaan Ciidamadda Itoobiyaanka laakiin
qorshaha la Ciyaarayo sidaas maaha ee ujeedku wuxuu yahay in gacan ku heynta
Madaxtooyada lagala wareego gacan shisheeye iyo mid Cabdilahi Yusuf" ayuu yiri
Dahir Alasow oo sheegay in jabkii ugu ba'naa ee dagaal uu maanta Muqdisho ka
dhacay.
Dahir Abdulle Alasow wuxuu sheegay in markii hore dagaalka ay ku jireen beelaha
Hawiye oo kaliya laakiin gelinkii dambe ee maanta ay ku biireen dagaalka beelaha
kale ee Soomaaliyeed taas oo dagaalka ka dhigeeyso mid u dhaxeeya Soomaali iyo
Itoobiyaan.
"Markii Diyaarada la soo riday dagaalka waxaa ku soo biiray Somaliweyn oo
dhan,waxaa la xiray ganacsigii oo dhan,Caruurtii iyo haweenkii ayaa bambaanooyin
iyo tooreeya qaatay oo ka hortagay Itoobiyaanka,waxaan Indhaheeyga saaray Rag
badan oo la dagaalayay Itoobiyaanka una dhashay Majeerteen ,iskaba daa Daarood
weynee,marka dagaalku waa dagaal Somali u dhan tahay" ayuu ku celceliyay Dahir
Alasow
Dahir Abdulle Alasow oo maalintii sedexaad ku sugan Jiidaha dagaalka waxaa uu ku
nuuxnuuxsaday in Ina Xuubsireed iyo raggii kale ee Cabdilahi Yusuf ku kooxda
ahaa ay isaga carareen Madaxtooyada oo uu kuu sheegay in waxyar loo jiro,si loo
ixtiraamo codsiya is daba joog ah oo ay soo dirayaan Ciidamadda Reer Uganda,kuna
dalbanayaan in Xabada la joojiyo.
Wariye Calasow waxaa kale oo uu ku nuuxnuuxsaday in odayaal dhaqameedyo tageen
jiidaha dagaalka ,ayna ku wargeliyeen horjoogayasha Ciidamadda in Madaxweyne
Yusuf soo dirtay ergo nabadeed oo leh xabada hala joojiyo oo hala wada hadlo.
Wariye Dahir Alasow oo inta badan Warbaahinta Maanta iyo shalay uga warbixinayay
hadba halka xaal maraya ayaan waydiinay su-aal ku saabsan inuu qabo wax cabsi ah
iyo inkale wuxuuna ku jawaabay.
" ma jirto cabsi aan qabo,waayoo dhinaca Ciidamadda Itoobiya iyo kuwa Puntland
waxaa la socda Wariyaal faaqidaya hoowlgaladooda ,sidaa hadii uu xaal yahay waa
maxay Wariyaha reer Muqdisho ee ka baqanaya waxaysan ka baqaneeyn kuwa ka kala
yimid boosaaso iyo Addis Ababa,jawaabtu waa maya ,Wariyihii baqayana waxaan
leeyahay Ninkii dhoof ku yimid beey geeridu dhibee ee sawirada iyo warbixinada
yeeysan idin dhaafin.
__
Source: Jowhar
Printer Version
| |
|
|