|
|
NEWS
|
|
|
Ninkii Caashaqay Saxaafadda Oo Hoyday
March 15, 2007
Cabdi Idiris Ducaale,oo 36 sano ee u dambeeyay noloshiisa, ilaa maanta
shaqadiisu ahayd saxaafada, ayaa maanta oo lagu soo booday ku geeriyooday
Cusbitalka Adna, isla maantana lagu aasay Xaabalaha Qaranka. Raadiyowga iyo
saxaafadda qoranba uu ka soo shaqeeyay ilaa uu ka gaadhay maamulaha Radiyooga
Muqdisho iyo tifahatiraha guud ee Xiddigta October.
Laga soo bilaabo 1993gii tan iyo maanta oo qalinkii farihiisa dhexdooda
kasiibtay, markuu wadacay nolosha, wuxuu ahaa Afhayeenka Madaxweynaha
Somaliland. Marxuum Cigaal iyo Rayaaleba wuu lasoo shaqeeyay.
Dadka inta shaqaysa waxay u badan yihiin, inay wakhtigooda shaqada iyo
noloshooda gaarka u qaybiyaan. Waxaynu odhan karnaa Marxuum Cabdi Idiris nolol
gaar ah ma lahayn saxaafada ayaa nolol u ahayd cimrigiisii barakeysnaa wuxuu ku
dhamaystay in ay qalinka, warqada, computerka iyo microfoonku is ku dhiibaan
illaa ay naftu deysay qalinkii oo labadiisa farood ka sii dhexsiibanaya. Weedh
lagu garto qabrigiisa hadii ley-weydiiyo waxaan odhan lahaa ha lagu qoro,"Ninkii
Saxaafada Caashaqay Ee Hoyday."
A.Y.Ducaale
Printer Version
| |
|
|