Marxuum Aadan Cabdulle Cismaan Oo Maanta Lagu Aasay Muqdisho
June 11, 2007
RabashIyo Xadhig Ka Dhashay Hawlgal Dowladda Hoose
June 29, 2007
(SOHTA - Hargeysa) Dowladda Hoose ayaa shalay sandaqad qoys degganaa, xaafada Bebsige hawl gal ku fujisay. Ciidankii Amniga ayaa xabad kor u riday si ay dadku u kala cararaan; xabadaas oon cidana ku dhiman cidina ku dhaawacmin hase yeeshee haweenaydii sandaqada degeneyd ayaa waxoogaa dhaawac ahi soo gaadhay. Rabshadahaas 10 ruux ayaa loo xiray. Cabdi /Raxmaan Muuse Cumar oo wareysi ugu tagey Duqa Magaalada Hargeysa, dhacdadaana barnaamij kasiidaayay, ayuu duqu isugu daray aflagaado, gacan-ka-hadal iyo xadhig. Cadoow o Cali Mahdi U Jawaabey
June 29, 2007
(SOHTA) Cali Mahdi, Gudoomiyaha Shirka-Dib-U-Heshiisiinta oo doraad sheegay inuu Mr. Cadoow, Mas'uulkii Arrimaha Dibadda ee Maxkamadaha uu shirka ku caasuumay isaga iyo maxkamadaha ayuu Cadoow tibaaxay shalay in aanay isaga iyo Cali Mahdi sheeko siyaasi ahi dhex marin. Wuxuu ku koobay jawaabtiisa in fariin uu faray shirka ka soo qayb galkiisa ah, fariintiina uu Sheekh Shariif u gudbinayo. Haddii la sii wareystayna wuxuu cadeeyay in aanay Maxkamaduhu shirka ka qeyb galeynin. H A M B A L Y O
June 29, 2007
Cabdisalaan Nuur Maxamed iyo Muna Mahdi Khayre oo dhawaan Meherkoodii iyo aqal-galkoodu ka dhaceen Magaalada Houston ee Wadanka Mareykanka, ayaa Habalyo u diraya: Shukri Kheyre, Reer Cabdikariim Xasan Caalim, Reer Cali Mahdi Kheyre, Guleed Mahdi Kheyre, Reer Axmed Yuusuf Ducaale, Reer Cali Aadan Meecaad, Reer Abshir Nuur Cumar, Muuse Ibraahim Bookh iyo Reer Yaasiin Cabdi Muxumed. Ilaahay waxay uga baryayaan in ay noqdaan labadii,isku raaga isku reeya ee ubad khayr qabana ilaahay isugu darro Ameen!. Faalo Kooban
June 24, 2007
Maqaal hore ay u faafisay Shabakada Qaran oo Ingiriisi ahaa , ayey maantana tarjamaddii af Soomaaliga ahayd faafisay. Qaraar ka soo baxay Umadaha Midoobay ayaa ku xusnaa maqaalkii Ingiriisiga ahaa. Tarjamadda afsoomaaliga se kuma jiro. Qaran niyad samaan ayey sidaa u sameysay, hase yeshee Somalilandhorta qaraarka baaritaan ayey ku heshay waaney darseysaa, in uu somaliland wax u dhimayo iyo inkale. Dhaarinta Xubnaha Komishanka Ee La Ansixiyey
June 24, 2007
(SOHTA - Hargeysa) War sugan, oo maanta ka soo baxay, X.G.Wakiilda, ayaa cadeeyey in Shirgudoonka Golaha Wakiiladu, qoraal kaga codsadey Maxkammada Sare, in ay si degdega u dhaariso, 5ta Xubnood ee Komishanka Doorashooyinka ee uu Golaha Wakiiladu ansaxiyey bishan Juune 2-deedii. Laba xubnood een maalintaa la ansaxin, oo ahaa xubnihii Golaha Guurtidu soo magacaabay, ayuu mar 2aad Golaha Guurtidu soo magacaabay hase yeeshee markii Madaxweyne ku xigeenku u gudbiyey Golaha Wakiilada si loogu codeeyo mar 2aad, ayaa Shirgudoonka Golaha Wakiiladu dib u soo celiyey isaga oo sababta ka dhigay in 2daa muwaadin horeba ay Shuruudaha Xubnaha Gudida Doorashooyinka looga baahanyahay buuxin waayeen, sidaa darteedna ay tahay in ay 2 xubnood oo kale soo magacaabaan. Warar Waabsan
June 23, 2007
(SOHTA - Hargeysa) Xalay, Xamar iyadoo bandoo ah, ayey 7 qarax ka dhaceen 4 degmo oo ka mid ah degmooyinka ay ka kooban tahay. Kismaayo, oo ay gacanta ku hayso, meleesheya beeleedkii hore gacanta ugu haysay, ayaa dagaaladii shalay ka dhacay magaaalada dhexdeeda iyo duleedkeeda la sheegayaa in dhimashadu tahay 16 dhaawacuna 34. Kuwamaa Taagan?
June 21, 2007
(SOHTA - Hargeysa) Sida ka muuqata waraysiyo uu bixiyey Gudoomiyaha Kulmiye oo kii shalay ugu dambeeyay, waxaa jirta inuu tartankii loo tartamayay iyo sharaxaadii laysku sharaxayey, mansabyadda heerka qaran ah, ee magaca Kulmiye leysku taagayey, ay bilaabmeen. Illo xog-xogaal ah oo ku dhowdhow Masuuliyiinta Kulmiye ayaa cadeeyay in sadex magac oo isku sharaxaya Madaxweyne kuxiggeenka, Kulmiye ahaan ay horyaalaan Gudida Fullinta ee Xisbigga; kuwaas oo kala ah Muuse Biixi Cabdi, Cali X. Muxumed Guuleed (Maarshaal) iyo Ibraahim Maxamed Mecaad. Waxa isna shabakadaha warbaahinta ee qurba jooga inuu taaganyahay ku shaaciyey magaciisa Maxamuud Nuur Ducaale. Warar Waabsan
June 21, 2007
(SOHTA - Hargeysa) Waraysi uu siiyey, Wasiirka Maaliyadu, Jamhuuriya maanta ayuu ka dhawaajiyey in beesha uu kasoo jeedo ay codkeedu aanu mareynin meel aan UDUB ahayn; isaga oo tixraacaya dhaqdhaqaaqyo Kulmiye iyo Qaran ay dhawaan Burco ka sameeyeen.
Madaxweyne ku xigeenka iyo Gudoomiyaha Kulmiye oo madaxtooyada ku kulmay ayaa isla soo qaaday arrinta 2 fidmood ee komishanka ah ee ay wakiiladu ansixin waayeen iyo dhaarinta xubnaha la ansaxiyey. Waxa kale oo la isla dhexmarayaa in labada xubnood arrintooda uu Gudoomiyaha Guurtidu u gudbin doono Maxkamed Dastuuriya. Shir 3-Geesood Ah Oon Midhaynin
June 17, 2007
(SOHTA - Hargeysa) - Shir 3-geesood ah oo kulmiyey Madaweyne ku xigeenka JSL, Shirgudoonka Guurtida, Shirgudoonka Golaha Wakiilada ayaan midheynin, markii la isku mari waayay, arrintii laga wada hadlayey. Sidey wararku sheegayaan Madexweyne Kuxigeenka iyo Shirgudoonka Guurtidu waxay ka codsadeen Shirgudoonka Wakiilada, in mar labaad Golaha Wakiiladu u codeeyo labadaa xubnood, hase yeeshee Shirgudoonka Wakiiladu mowqifkiisii hore ayuu ku adkeystay; kaas oo ahaa in aanay Golaha hordhigeyn labadaa xubnood, kol haddii la ansaxin waayay markey shuruudihii buuxin waayeen. Waxaa xusid mudan, sida ilo xoghaynta Golaha Wakiilada u dhuun-daloola, in uu jiro xubin kale oo la ansixiyey isaga oon shuruudaha buuxin. Si kasta ha u dhacdee, waxaa isweydiin leh, haddii Shan xubnood la ansaxiyey, maxaa loo dhaarin laayahay si ay xilkii loo ansaxiyey ay u gutaan oo ay hawshii Komishanka fulinteeda bilaabaan, inta 2-da xubnood ee hadhay, kuwan muranku ka taagan yahay ama laba kale laga daba keenayo?. Maxaa Hakiyay Duulimaadyadii Etheopian Airlines Addis Hargeysa
June 17, 2007
(SOHTA - Hargeysa) - Muran ka dhashay Masuuliyiinta Qaranka Somaliland yaa la baadhi karaa yaanse la baadhi karin, markay raacayaan duulimaadyada Ethipian Airlines ayaa hakiyey duulimaadyadii dayuuradaha shariikada, inta laga heshiinayo arrintaa iyada ah. Sidaa waxa yidhi Wasiirka Duulista iyo Hawada oo raaciyay in uu bishan aakhirkeeda tegayo Addis si uu arrintaa madaxda shariikada ugala soo xaajoodo, warkaas oo uu ka sii daayay TV Somaliland. Waa Guddi Dad Isku Xisbi Ahi Sameysteen...Siciid Sulub
June 16, 2007
(SOHTA - Hargeysa) - Tirsigii maanta ee Ogaal siduu qorey, Wasiirka Hawlaha Guud iyo Guryeynta mudane Siciid Sulub, ayaa ku tilmaamay, guddi shalay lagaga dhawaaqay Burco oo ay ku mideysanyihiin Bariga iyo Galbeedka Burco guddi dad isku xisbi ahi ay sameysteen oo aan sidaa u sii fogeyn. Intaa wuxuu raaciyey in aan Wasiirada Burco jooga iyo UDUB midna laga marti qaadin. Madhabaa???
June 14, 2007
-In C/Qaadir Walaayo, Afhayeenka Gudida Dib-U-Heshiinsiin-Ku-Sheega Soomaaliya, uu 5 maalmood qarsoodi ku joogay Hargeysa, oo ilaa imika aan la garaneyn ujeedada booqashadiisa?
-In ay Xildhibbaano u dhashay Somaliland, kana tirsan Baarlamanka Impegati, ay joogaan Somaliland iyagoo ku sheekeeya inay ka baxeen Baarlamanka Impegati aanse si rasmi ah arrintaa u cadeyn? H A M B A L Y O
June 13, 2007
Reer Xaaji Cumar Xuseen, Reer Axmed Yuusuf Ducaale, Shukri Khayre, Reer C/Kariim Hassan Calim, Reer Cali Mahdi Khayre iyo Reer Mahdi Khayre intooda kale, Yaasiin Cabdi Muxumed iyo Xaaskiisa Nimco Cismaan Maxamed, Muuse Ibraahim Bookh iyo dhamaan asaaxiibtii kale ee Toront Waxay hambalyo kalka iyo laabta soo go'day u dirayaan C/Kariim Xaaji Cumar Xuseen iyo Saafi Xuseen Aamin oo Jimce Barkhadlihii ku aqal-galay Magaalada Hargeysa. Labadii isku raaga ee ubad kheyr leh Ilaahay isagu darro ahaada Aamiin!. (SOHTA - Muqdisho) - Marxuum Aadan Cabdulle Cismaan (Aadan Cade) ahaana Madaxweynihii Jamhuuriyadii la odhan jirey Somali Repuplic', 1960-1967 oo ku geeriyooday Neirobi June 8, 2007. Cimriggisuna ahaa 99 jir markii uu geeriyooday, ayaa maanta lagu aasay Cerfiid oo ah duleedka Moqdisho. Dayuurad gaar ah ayaa meydka marxuunka sitay. Madaarka oo haatan loo bixiyey "aAdan Cadde Airport" waxa kaga hor tegay Cabdillaahi Yuusuf, Geedi, Cabdi Qaasim, Cali Mahdi iyo dadweyne badan , iyadoo sidey runtu tahay geeridiisa si aad ah Muqdisho looga dareemay. Allah Haw Naxariisto Dadkiisiina Samir iyo Iimaan Allah Ha Ka Siiyo.

T A C S I
INAA LILAAH WA INAA ILAAHI RAAJICUUN
June 8, 2007
Somalilandhorta bahda soo saarta iyo dhamaan reer Axmed Yusuf Ducaale waxay tacsi u dirayaan qoyskii, eheladii iyo qaraabadii uu ka geeriyooday Marxuum Aadan Cabdulleh Cusmaan (Adan Cade) oo maanta ku geeriyooday magaalada Nayroobi ee dalka Kenya cusbitaal ku yaal. Marxuumka oo ahaa Madaxweynihii Soomaaliya 1960-67 meydkiisa Muqdisho ayaa loo qaadayaa, halkaasoo lagu aasi doono. Samir iyo iimaan gidi Allah ha innaga siiyo, isagana Allah ha u naxariisto.

Warar Waabsan
June 7, 2007
(SOHTA - Hargeysa) - Madaxweyne-Ku-Xigeenka Jamhuuriya Somaliland ayaa ku dhawaaqay in maalin qaran oo nadaafadeed dalka si joogta ah sanad kasta looga hirgelin doono.
Ururka la magac baxay Qaran, een weli la diiwaan gelin, ayaa xafiiskiisa Burco xaflad lagu qabtay xadhigga lagaga jarayay.

Warar Waabsan
June 6, 2007
(SOHTA - Hargeysa) - Gudoomiyaha Kulmiye, Mudane Axmed Maxamed Maxamuud (Siilaanyo) ayaa shirkii ugu balaadhnaa la yeeshay Galbeedka Burco.
Gudidii loo saaray xaalada shubanka ayaa maanta kulenkii uguhoreeyay ee ay isugu timaada yeelatay.