|
MAIN |
|
Itoobiyoo La Wareegtay Heshiisiintii Labada Dhinac
February 28, 2007
(SOHTA - Hargeysa) - Itoobiya ayaa la wareegtay dib
u heshiisiintii labadii dhinac ee isku dhacay
degaanka Daroor, 50 odey oo labada dhinac ka tirsan
ee wada hadaladii heshiiska bilaabay iyadoo
maamulka gobolkee Itoobiyana uu howshaa
daadahaynayo, sidaa awgeed ayay wufuudii Somaliland
ee arrintaa u ban baxday ku soo laabatay dalka
iyadoo rajayneysa in arrintaa guul waarta laga
gaaro.
Ururka Farsamo Ee Khubarada Somaliland
February 27, 2007
(SOHTA - Hargeysa) - Kulan maanta ka dhacay Guriga
Shaqaalaha Dawladda Ee Hargeysa,ayaa waxaa iskugu
yimi
xubno ka tirsan Ururka Farsama Ee Khubarada
Somaliland,
oo halkaa ku soo bandhigay ujeedooyinka ay ururkan
u
abuureen; kuwaas oo ay ka mid noqon doonaan
diiwaangelinta khubarada iyo aqoonyahanada
Somaliland
gudaha iyo dibadaba oo diyaarin doona diraasaad
dabooli
doonta baahiyaha dalka ee kala duwan dhinac
kastaba.
Madaxweyne Rayaale ayaa fikradda iyo ururkaba aad
usoo
dhaweeyay sheegayna in ay talaabadani ahayd talaabo
mar
horeba in la qaado ku habooneyd, Ilaahayna ka
rajeeyay
in ururkani ku guuleysto inuu jiilkan iyo jiilasha
soo
socdaba u dejiyo qorshe horumar oo loo aayo.
Marathonkii Hargeysa:
February 27, 2007
(SOHTA - Hargeysa) - Tuulada Abaarso oo 21KM
Hargeysa
galbeedkeeda ah, ayey maanta 120 ordaa saaka
Marathonkii Hargeysa (orodkii dheeraa ) ee ugu
horeeyay, kasoo baratameen goobta tan iyo
badhtamaha
Hargeysa. 15-kii ugu soo dheereeyay ayaa abaalmarin
la
gudoonsiiyey iyadoo si gaar ah loo abaalmariyey
3dexdii
ugu soo horeeyay. Wasiirka Ciyaaraha iyo
Dhalinyarada
ayaa guud ahaan bulshada ka codsaday iyo gaar ahaan
ganacsatada iney taageeraan dhacdooyinkan oo kale.
Laan Qeyrta Cas Iyo Walaaca Ay Ka Muujisay
Dhibaatada Rayidka Haysata:
February 26, 2007
(SOHTA ) - Labadan maalmaood ee u danbeeyayba
Xarunta Laan Qeyrta Cas ee Geneva waxaa ka soo
baxayey wallaacyo ku wajahan dhibaatada haysatada
dadka rayidka ah, ee dushooda iyo dhexdoodaba hubka
culus ay isku weydaarsanayaan labada dhinac ee ku
dagaalamaya Xamar. Dhaawaca intii dagaaladaasi
bilaabmeen waxay ku qiyaastay 480, iyadoo
dhimashana ay jirtay. Waxay sheegtay in
dagaaladaasi ay sabab u noqdeen in dad badan oo
weliba ah danyartii ay barakac iyo qax bilaabeen;
taas oo ay ka dhalatay xaalad aad u adag oo
baahiyeed.
Wararkii Komishanka
February 25, 2007
(SOHTA - Hargeysa) - Ilaaladdii cusbeyd ee
Komishanka xafiisyadiisa la geeyay wax is bedel ah
oo ay soo kordhisay ilaa imika majiro. Wararku
waxay sugayaan inuu caawa la shiray Madaxweynuhu
Xubnaha Komishanka Doorashooyinka, wax war ah oo
kasoo baxayse mahayno. Waraysi ay Jamhuuriya la
yeelatay Gudoomiyaha UCID oo ay weydiisay siduu u
arko sharciyadda kordhinta mudadda komishanka wuxuu
ku jawaabay, "Walaahi ma garanayo in ay sharci
tahay iyo in aanay ahayn." Intaa waxuu raaciyey
iney mudadoodii dhamaatay ayla tahayna in ay
Madaxweynaha iyo Komishanku is arkaan. Su'aalo
danbe oo laga weydiiyey go'aanka Golaha Wakiilada
ee ku wajahan kordhinta muddada komishaanka wuxuu
ku tilmaamay mid khalad ah oon sharci ahayn,
xubnihii xusbigiisa ee u codeeyayna loo hoos
geliyay.
Baaqyo Nabadeed
February 25, 2007
(SOHTA ) - London (U.K), Sweden iyo Finland
Jahliyadaha reer Somaliland ee degan, ayaa baaqyo
nabadeed oo ku wajahan reer Daroor baahiyey.
Baaqyadaasi, iyagoo canbaareynaya colaada halkaa ka
aloosantay, waxay ka codsanayaan labada dhinac ee
walaalaha ah ee isku dhacay iney nabad qaataan;
isla markaana ergooyinka nabadeynta u tagey halkaa
waxay ka codsanayaan in nabad sugidu aanay mar
danbe qabyo ka noqon, iyagoo u mahadnaqaya
maamulada iyo intii gurmateyba.
Golaha Wakiilada Oo Ansixiyey Mudda U Kordhinta Kommishankii Hore
February 19, 2007
(SOHTA - HARGEYSA) - Shir Golaha Wakiiladdu isugu yimi shalay oo ay xaadir ahaayeen 60 xubnood, ayaa ka dooday una codeeyay mooshin ay golaha soo hor dhigeen 13 xubnood; mooshinkaas oo ahaa in 2 sana loo kordhiyo Komishankii Doorashooyinkee hore. (Sababeynta Ka Eeg Warkaanu Shalay kasoo xiganey Jamhuuriya) Nitiijaddii codeyntu waxay noqotey 36 ogolaaday, 19 ka aamusay iyo 4 diiday. Sida muuqata gudoomiyihii shirku ma codeyn.
Dagaalada Daroor Iyo Gudiga Amaanka Ee Qaranka
February 19, 2007
(SOHTA - HARGEYSA) - Dagaalkii u dambeeyey ee ka dhacay goobo ka tirsan deegaanka Daroor ayay dhimashadu gaadhay inta la ogyahay 40 qof, dhaawaca Hargeysa iyo Burco la kala keenayna 48qof. Gudida Amaanka Qaranka ee Somaliland ayaa go'aamisay in qofkii hawlo abaabul oo dagaalkaa ku wajahan gala in talaabo sharci ah laga qaadi doono, gaadiidkii lagu qabto taakuleyn shidaal, hub ama rasaas ay xukuumadu la wareegi doonto iyo aaga ku aadan Daroor xuduuda Somaliland in la xidhi doono. Waxay intaa ku dartay Gudida Ammaanka Qaranku in masaajidda iyo warbaahintaba loo adeegsado sidii dadka looga wacyi gelin lahaa dagaalkaa baadilka ah.
Dagaal Cusub Oo Laga Soo Sheegay Darroor
February 18, 2007
(SOHTA) - BBC-da, qaybteeda Af Soomaaliga wakiilka u jooga Hargeysa, Somaliland, ayaa maanta soo tabiyey in afar goobood oo kale oo degaanka darroor ah, labadii dhinac ee Arbacadii hore dagaalku dhexmaray, uu iska hor imaad hubeysani mar danbe dhexmaray. Dhaawac iyo dhimasho midna tiradoodo ma sheegin. Madaxweynaha J.S.L. ayaa maanta ugu baaqay dhinacyada dagaalamaya in ay dagaalkaa uu yidhi, "Waa baadil ," joojiyaan; kaas oo u ku tilmaamay in aanu xigmad ku fadhiyin. Waxa kale oo Madaxweynuhu sheegay in xukuumada Somaliland ay awwoodeedda isugu geyneyso in taakuleyn dagaal looga gudbin karin Somaliland dhinacyadda goobtaa isku haya. Wuxuu intaa Madaxweynuhu raaciyey, in ay xukuumaddu ku dadaaleyso, in aan colaaddaasi usoo gudbin Somaliland.
Dad Ku Dhaawacmay Dagaal Ka Dhacay Sool Oo Dhakhtarka Hargeysa La
Dhigay
February 14, 2007
(SOHTA) - Dagaal ka dhacay goob Sool ah, oo dhexmaray laba dhinac oo
Nugaal iyo Sool ka soo kala jeeda, ayaa dhaawac 6 nin ka kooban oo
reer Sool ah dhakhtarka weyn ee hargeysa la keenay. Dagaalkaas oo
haatan qaboobay, dhaawac iyo dhimashabase lahaa waxaa u sabab ahaa
koox reer Nugaaleed ah oo goobta lagu dagaalamay damacday ama
bilowday inay ka qodoto Berkado taas oo reer Soolna ay diideen, sida
ay reer Sool ku dacwiyayaan. Sida uu ku andacooday nin dhaawaca ka
mid ahi maamulka ayaa xoojin, taakulayn iyo tu ciidanba ugu deeqay
dhinaca nugaal ka soo jeeda
Xubnaha Komishanka Doorashooyinka oo Golaha Wakiilada Beri Lasoo Hordhigayo
February 12, 2007
(SOHTA) - Gudoomiyaha Golaha Wakiilada ayaa maanta ku dhawaaqay in berito golaha la horkeeni doono magacyada 6 xubnood oo ah komishanka doorashooyinka; 6 daas oo Madaxweynuhu 3 soo magacaabay, Guurtuduna 2 halka xisbigga UCID ee mucaaridka ahina 1 kasoo maga caabay. Xisbigga Kulmiye ee mucaaridka ah ayaa xubinta 7 laga sugayaa. Waxa xusid mudan in ay jireen codad muujiyey in aan xubnaha gudidaasi isu dheeli tirneyn marka la eego goboladda.
Kismaayo Oo Bandoow Lagu Soo Rogay Xalay
February 12, 2007
(SOHTA)- Magaalada Kismaayo ayaa xalay lagu soo rogay bandoo. Waxaa bandoodaa loogu soo rogay magaalada, kadib markii shalay, Beerta Xoriyadda, oo lagu soo dhaweynayey saraakiil kasocota ciidamada dawlada KMG-ka, banbaano lagu dhuftay aan markii cidna loo qaban. Xalay ciidamada ayaa magaaladda gaaf-wareegayey, ganacsiyada wixii furana amrayey in la xiro. Intii maxkamadaha laga qabsaday Kismaayo dhacdadan banbaanada lala eegtay ayaa ah dhacdadii ugu qaraareyd ee magaalada ayka fuliyaan dad aan haybtooda lagaraneyn.
Hoobiyayaal Iyo
Baasuukayaal Lala Dhacay Xamar Maanta:
February 10, 2007
(SOHTA) - Maanta, ayaa Hotel Kaah, oo Xamar kuyaal oo kana
socda Siminar ku saabsan dib u heshiisiintu, Baazsuukayaal lagu weeraray.
Gabar yar ayaa halkaa ku dhimatay. Isla markaa ayaa hoobiye lala dayday
madaarka Xamar oo markaa ay dayuurad ka kacaysay. Buulo Xuubay ayaa
iyana hoobiye lagu dhuftay. Laba qof aa halkaa ku dhaawacmay Hoobiyahaa
ku dhacay Buulo Xuubay mid ay kaga jawaabayaan ciidamada gaashaanbuurta
ahi ayaa ku dhacay xaafad u dhow suuqa xoolaha. Dhimaso iyo dhaawacba
wuu geystay. Dhakhtar lala xidhiidhay wuxuu sheegay dhawaca soo gaadhay,
guud ahaan in uu ahaa 12-qof, dhimashada marka layso geeyana 6-qof
gaadheysey.
Masuulka ku-xigeenaka Gaashaandhiga dawlada KMG-ka wuxuu sheegay in
dadka falalkaa geystay ay yihiin argagixisadii oo diiday in ay ka
tanaasusho waxay aaminsanayd, hasayeeshee " la eryooday", waa siduu
hadalka u dhigee. Waxaa xusid mudan, in maalintan maanta ahi ahayd tay
weerarada Xamar laga qaadaa ugu kululaayeen.
TACSI: Innaa-LiLLaahi- Wa -Innaa-
Illeyhi- Raajucuun
February 9, 2007
Axmed Yuusuf Ducaale Xaaskiisa iyo Caruurtooduba waxay tacsi u
dirayaan qoyskii, eheladdii iyo qaraabadii uu ka geeriyooday Marxuum
Yuusuf Cali Xuzseen (Tahar) oo shalay lagu aasay Oakland, USA. .Ilaahay
Naxariistii Jano ha ka waraabiyo gidigeena Samir iyo Iimaan haynaga
siiyo - Ameen..
Anoo ah Yaasmiin Axmed Yuusuf Ducaale, waxaan si gaar ah uga
tacsiyadeynayaa Nimco Yuusuf Cali (Tahar) iyo Ayaan Yuusuf Cali (Tahar)
geerida ku timi aabahood. Ilaahay naxaristii jano ha ka waraabiyo saamir
iyo iimaana illahay ha inaga siiyo - Ameen
Banaanbax Ka
Dhacay Waqooyiga Xamar
February 9, 2007
(SOHTA) - Maanta waxaa ka dhacay waqooyiga Xamar banaanbax
lagaga soo horjeedo ciidamada Itoobiya iyo kuwa kale ee ajanabiga in la
keeno dhawaan Soomaaliya; banaanbaxaa oo ay soo abaabuleen koox la
baxday dhaqdhaqaaqa kacdoonka Soomaaliya ee ka soo horjeeda ciidamada
ajinabiga ah. Nin madaxu duuban yahay oo halkaa ka hadlay wuxuu sheegay
in ay la dagaalami doonan meelkasta oy jogaan ciidamada Itoobiya isagoo
sheegay iney yihiin dadkii maxkamadaha taageersanaa kana dambeeyay
weeradii xamar ka dhacay wakhtiyadii u dambeeyay.
Baqe Laga
Qabo In Daroor Rabash Danbe Ka dhaco:
February 8, 2007
(SOHTA) - Gudoomiyaha Gudida Joogtada ah ee Golaha Guurtida Xaaji
Cabdi Xuseen (Waraabe) ayaa gudidu shir jaaraa'id oo ay wada jir u
qabteen, ugu baaqay Reer Daroor in aanay dhexdooda dhibaato danbe ka
dhicin, isla markaana ay ka digtoodaan Suldaan ama Suuqjoog kuu doono ha
ahaadee, ciddii looo arko in ay dab hurinayaan. Wuxuu xaajigu tilmaamay
gurmadkii horeee Somaliland looga soo gurmaday wuxuu ku waaniyey,
iyagaoo xaafad qudha ah in ay wixii khilaaf ah ee dhexdooda ah wada
hadal iyo walaaltinimo ku dhameystaan.
Ceelguure Oo Caadi
Noqotay
February 8, 2007
(SOHTA) - Shaqaaqadii shalay ka dhacday Ceelguure way
dhamaatay, noloshiina caaadigeedii ayey kusoo noqotay. Madax dhaqameedyo
ayaa ku jira sida kooxdii weerar ka geysatay wax looga qaban lahaa.
Caaqil ayaa u xidhan shaqaaqada meesha ka dhacday isagoo oo lagu
tuhmayey in uu lug kulahaa. Taliyihii qaybta bileyska saaxilna waa la
badaley. Sida bileysku sheegay kooxda weerarka ah nina wuu ka dhintay
midna waa laga dhaawacay. Warar madax banaanina waxay sheegayaan in
beleyskana nin laga dhaawacay.
Shariifkii oo
Yemen ka degay
February 8, 2007
(SOHTA) - Maanta ayaa Sheekh Shariif Sheekh Axmed ka degay
caasimada dalka Yamen, kadib markuu dhawr todobaad deganaa hotel ku
yaala dalka Nayroobi - Kenya; halkaasoo uu kulano kula yeeshay saraakiil
iyo masuuliyiin Mareykana. Inkastoo dhawr meelood oo Mareykanku ugu
horeeyo lagaga dhawaaqay in qunyar socodka mMxkamadaha dawlada KMG-ku la
shirto uu Sheekh Shariif ka kow yahay Cabdilaahi Yuusuf wuu diiday
Maxkamadihii laga adkaaday in uu la shiro. Waxaa xusid mudan in Madaxdii
Maxkammadaha qaar ku sugan yihiin dalka Yamen.
Hoobiyayaal Iyo
Madaafiickale Oo Dhimasho Iyo Dhaawacba Keentay
February 8, 2007
(SOHTA) - Xalay ayaa magaalada Xamar hoobiyayaal iyo
madaafiic kale lala eegtay dhawr goobood oo kala duwan magaalada.
5-qofna wayku dhinteen 6-qofna way ku dhaawacmeen qaraxyadaa xalay
dhacay. Shalay ayaa masuulka ku xigeenka diffaacu hub uu soo ban dhigay,
ku sheegay in ciidamadda amnigu qabteen hubkaa iyo maleyshiyaddii
lahaydba kana mid ah dadka amnigga khalkhalliyey; isla markaana ay ku
daba jiraan intii kale. Qanyare ayaa warkaa masuulka ku tilmaamay "been
iyo baabul siyaasaddeed", kuna tilmaamay warkaa masuulka in lagu
ceeybaynayo degaankii uu markii hore ka tilanjiray, imikana oo
nabadiisana masuulka yahay isagoo xubin baarlamaani ah, sugayana inta
ciidamadda amnigu soo gaadhayaan.
Dib U Xoreynta
Soomaaliya
February 8, 2007
(SOHTA) - Aamina Saciid ayaa maanta waraysi ay BBC-da siisay
ku dhawaaqday in ay asaaseen urur ay u bixiyeen "Dib u xoreynta
Soomaaliya". Waxay intaa ku dartay iney muruq iyo maalna ku taageerayaan
wixii u halgamaya iney dalka ciidamada Itoobiya ee qabsaday ka saaraan.
Mudaharaad ay dhigeen oo ay kasoo qayb galeen dad ka kala yimi Mareykan,
Canada, Italy, Norway iyo Swedan.
Biriijkii 2-aad Ee
Burco Ayaa Maanta Xadhigga Laga Jaray
February 7, 2007
(SOHTA) - Mas-Uuliyiin badan iyo dadweyne badan ayaa maanta
iskugu yimi, Bariijkii 2-aad ee Burco oo maanta dhamaaday, xadhiggana
laga jarayey. Wasiirka Hawlah Guud iyo Guryeynta, Mudane Saciid Sulub
ayaa maanta xadhigga ka jaray Biriijkii 2-aad ee Burco Magaalo Madaxda
Togdheer. Wasiirkoo halkaa ka hadlay wuxuu sheegay inuu mashruucani
tusaale u yahay iskaashiga xukuumadda iyo dadweynaha, isagoo tilmaamaya
sidii wadajirka ahayd ee kharashka ku baxay dhismaha biriijka uga wada
qaybgaleen. Waxa Wasiirku intaa kudaray in biriijkii 2-aadna Hargeysa
dhawaan la bilaabayo loona hayo lacag ku dhow 1-Malyuun oo Dollarka
Mareykanka ah. Engineerkii biriijka Burco dhisay ayaa sheegay in
kharashka biriijkaa ku baxay ahaa $500, 000, kaas oo dawladu $300,000
bixisay dadweynuhuna $2000.
Magacawga
Komishanka Doorashooyinka
February 7, 2007
(SOHTA) - Madaxweyna Jamhuuriyada Somaliland ayaa u gudbiyey
Golaha Wakiiladda, magacyada 5 xubnood, soo jeedin ahaan, si uu goluhu u
ansixiyo; kuwaas oo hadii goluhu ansixiyo ka mid noqon doona Komishanka
Doorashooyinka Qaranka oo tiradoodu ay tahay 7-xubnood. Waxa sugnaaday
in xisbigga UCID ee mucaaridka ah uu gudbiyey xubintii 6aad Madaxweynaha
Jamhuuriyada Somaliland. Iyadoo lafilayey in labada xisbi ee mucaaridka
ahi Kulmiye iyo UcCID, in ay wadajir 2-da xubnood ee sharciggu siinayo u
gudbinayaa, ayuu xisbigga UCID gooni ahaan xubin u magacaabay
Madaxweynahana u gudbiyey. Ilo xoggogaal ah ayaanu ka helay in labadda
xisbi isku afgaran waayeen wadajir wax-u-magacawgii. Magacyada xubnaha
6-da ah ee la ogyahay, marka la eego gobolada ay ka soo hor jeedaan,
goboladdu isuma dheeli tirna; taas oo Komishankani kaga duwanaan doono
kii hore sida miisaaman isugu dheeli tirnaa. Mooyi intaan la ansixin
iney wax is badel iyo inkale, kase waaban mayno inaanu nidhaahno
goboladu si isu dheeli tiran hawshaasina waxay u taalaa Madaxweyna,
Guurtida iyo Labada Xisbi ee mucaaridka ah.
Biyo Guure
Shaqaaqe Ka Dhacday
February 7, 2007
(SOHTA) - Biyo guure, oo Berbera ka xigta 10km xagga Bari, ayaa
shaqaaqo dhexmartay xoolo raacato iyo beeraley, ayuu iska hor imaad ka
dhex dhacay koox hubeysneed oo dhirtii beeraha qaar googeysey iyo
ciidamadda abniga oo halkaa tagey. Rasaas la is weydaarsadey kooxdii
hubeysneed nina wuu ka dhintay nina wuu ka dhaawacmay.
Laba Nin Oo
Bakaaraha Badheedh Loogu dilay
February 7, 2007
(SOHTA) - Saaka, barqaddii ayaa nin ganacsada ah oo makhaayad
shaah ka cabaya intey 2 nin laba baastooladood ula yimaadeen madaxa
rasaas kaga dhufteen. Nin kaloo la fadhiyey ayey isna sidaa si leeeg
rasaas madaxa ugaga dhufteen. Labadii nin ba halkii bey naftu kaga
baxday. Falkaa nimankii geystay midna gacanta laguma dhigin.
Afduubkii
miyaa soo noqda?
February 7, 2007
(SOHTA) - Nin kamid ah maamulka Shariikadda Hormood ee is
gaadhsiinta ayay niman kaxaysteen oo ay qaateen markii uu guriggiisa ka
soo baxay. Nin u hadlay shariikadda oo magaciisa qariyey ayaa sheegay in
ninkaa la afduubay meel uu ku suganyahayna aanay garaneyn. Waxaa xusid
mudan, in aaneynaan maqal, Xamar waxbaa ladila mooyee waxbaa la afduubay.
Xamar waxay u muuqatay muddaba, dhibaato kasto oo ad miga la xidhiidha
ha jirtee, tu ka bogsatay dadkii la afduubayey ee ama madax furashadda
laga qaadanayey ama la dilayey.
Hublayidhi
waxaa lagu qabtay Dadkii Xamar Ammaankeeda Khal Khaliyey
February 7, 2007
(SOHTA) - Waxaa maanta lasoo bandhigay oo dadweynaha la tusay
hub ay masuuliyiintu yidhaahdeen waxaa lagu qabtay dadkii amnigga Xamar
khakhaliyey; kuwaas oo iyagiina lahayo kuwii kalena lagudaba jiro. Sida
la ogyahay wax caadi ah ayey noqotay in hoobiyayaal, habeen iyo
dharaarba, lala daydo meelo kal duwan oo xamar ah, qaarkood halbowle
yihiin sidda Villa Soomaliya, dekeda, madaarka iyo xeryaha ciidamad
Soomaalida iyo Itoobiyaanka. Dad badan oo maydkooda lahelay lana
garaneyn cid disheyna lama garanaayo. maamulku mahanan weli amnigga
Xamar.
Warar Waabsan
February 4, 2007
(SOHTA) - Wefti ka tirsan Midowga Africa oo General Reer
Uganda ahi uu hogaaminayo ayaa maanta yimid Xamar, weftigaa oo
qiimeynaya xaaladda guud ee magaalada Xamar, eegayana halkii ciidammada
la dejin lahaa.
3 Suxufi oo Haatuf ka tirsanaa bil ku dhawaadna xidhnaa iyo 2 maawadin
oo sii deyntooda ay u Ololeynayey ayaa maanta xabsiga Mandheera loo
dhaadhiciyey.
Wareysigii Sheekh
Shariif Sheekh Axmed.
February 3, 2007
(SOHTA) - Sheekh Shariif Sheekh Axmed wareysi uu bixiyey
shalay iyo maanta weli wuu ka soo horjeedaa immaatinka ciiidamadda
Itoobiya ay soomaaliya yimaadeen. Taasi layaab malaha oo wixii dhexmaray
Maxkammadaha iyo Itoobiya waa la og yahay waxaa xusid mudan in uu arko
Ciidamada Africanka ah ee la keenayo Somaliya, iney yihiin kuwaan loo
baahnayn; taas oo ku sababeynayo in aaney nabadeyn ka dhalin kareynin
Soomaaliya, iyadoo dadweynuhu iskood u heeshiiyaan mooyaane.
Wareysigiisa wuxuu cadeeyay in uu aaminsanyahay in loo baahan yahay dib
uheshiisiin dhinacyadda ka soo wada qayb galaan. Mar la weydiiyey in
Maxkammaduhu qaybsanyihiin wuxuu yidhi haddal macnihiisu yahay waa lagu
dadaalay laakiin Maxkamaduhu way mideysan yihiin waxaa kale uu sheegay
inuu Yemen booqasho ku tagayo; isagoo aad u eedeeyay dawlada KMG-ku
inaanu dalka nabad iyo xasiloonaan kasuu kordhinin.
Kornayl Bileysa Oo
Xamar Lagu Dilay
February 3, 2007
(SOHTA) - Saaka, qiyaastii 8-dii aroornimo ayaa korneyl
Maxamed Khalaf oo baska raacaya baar Ubax agtiisa, oo wejigiisa maro ku
duubay 5-xabadood oo baastoolad ah laabta kaga dhuftay halkiina wuu ku
dhintay welina cid looma qaban. Shalayna Monpolia ayaa askari lagu dilay
qorrigiina laga dul qaatay. Waxaa xusid mudan in 7-baadkii hore in
3-saldhig bileys laweeraray iyadoo sidaa sileeg loo weeraray bileyskii
joogey Ex-Control Balcad halkaana nin kaga dhintay ma odhan karnaa
dhacdooyinkan bileysku noqday bar-tilmaameedka ciraaq ayay dhadhamayaan;
taas oo beleyska cirraq yahay.
17 Hoobiye iyo 7
Goobood oo Xamar ah
February 2, 2007
(SOHTA) - Xalayto fiidkii ayaa 7 goobood oo xamar ah 17
hoobiye lagu garaacay. Waxaa ka mid ahaa dekedda Xamar oo ay ilaaliyaan
ciidamadda Itoobiya iyo xerooyin ay deggan yihiin ciidamadda
gaashaanbuurta ahi. Xeryahay deggenaayeen xeryaha la weeraray rasaasbey
ku jawaabeen garaaca la garaacay hal hoobiye ayaa ku dhacay meel ay
qaxooti degan yihiin. Intaa garaacu socday dhawr meelood oo kale ayaa
qaraxyo waaweyn laga maqlay. 6-qof ayaa ku dhintay weeraraddaa.
Shariif Xassan Oo
Duray Doorashada Guddomiyaha Cusub
February 1, 2007
(SOHTA) - Doorashadii shallay uu Baarlamaanka dawlada
KMG-kudoortay mansabka Gudoomiyah Golaha Baarlamanka Sheekh Aadan
Madoobe, ayuu Shariif Xassan Sheekh Aadan Gudoomiyihii Hore, oo haatan
ku sugan Jabuuti ku tilmaamay doorashadaa tu aan sharci ahayn. Shariifku
siduu qabo isagu ciidanka Itoobiya wuxuu u arkaa ciidan dalka haysta.
Qaabkii loo codeeyey ee gacan taaga ahaa wuxuu ku tilmaamay ku aan
xeerka waafaqsaneyn. Koox xildhibaano ah oo ay Shariifka isku aragti
yihiin Jabuutina soo dhaweysey markii Kenya laga soo saaray Cabdilaahi
Yuusuf baa fariin udiray uu leeyahay dalkiina ku soo noqda.
Dagaal Ka Dhacay
Suuqa Xoolaha Ee Xamar
February 1, 2007
(SOHTA) - Warku wuxuu sheegayaa in saaka suuqa xoolaha ee
Muqdisho, dagaal ku dhexmarey laba Meleeshiya Beeleed oo isku haystay
muddaba dhul. Labada midkood ayaa soo weerartay tii dhulka haysatay oo
halkaa ku dishay inan yar oo laba jir ah, ta weerarka soo qaadayna nin
baa laga diley. Dhaawacu wuxuu gaadhey 7-qof. Wax booliisa oo goobtaa
yimi majirin.
|
Somaliland
Emblem
Hargeysa
Somaliland
Dadweynaha
Reer Somaliland
Somaliland
Passport
Somaliland
Map
Somaliland
Stamp
Somaliland
Stamp
|
|
|
