|
|
NEWS
|
|
|
Hogaamiye Ka Tirsan Ururka Al-shabaab Iyo Ciidamo Uu
Horkacayo Oo Gaaray Meel 60km U Jirta Magaalada Baydhabo
December 30, 2007
Wadaadka lagu magacaabo Sheekh Mukhtaar Roobow Abuu Mansuur, isla markaana ah
Afhayeenka garabka hubeysan ee Al-shabaab ayaa la sheegayaa inuu saldhigtay meel
60km u jirta Magaalada Baydhabo oo fariisin u ah Baarlamaanka Soomaaliya.
Abuu Mansuur oo ka soo jeeda Gobolada Baay iyo Bakool ayaa ah wadaad la rumeysan
yahay inuu tababar ku soo qaatay Dalka Afganstan, isagoona ah afhayeenka Kooxda
Al-shabaab oo la sheego in ay xiriir la leeyihiin ururka Al-qaacida.
Wararka ayaa sheegaya in Ciidamada uu wato Wadaadkan ay fariisin ka sameysteen
Deegaan u dhow Labatan Jirow, oo ahaa Dugsiga Tababarada Ciidamada Booliska
Dowladda.
Ilo wareedyo kala duwan ayaa sidoo kale xaqiijinaya in Ciidamada uu wato Abuu
Mansuur ay yihiin kuwo aad u hubeysan, balse aysan wadan wax gaadiid dagaalka.
Maalmihii u dambeeyay ayaa waxaa soo baxayay warar sheegaya in Abuu Mansuur uu
gaaray Deegaano ka tirsan Gobolka Bakool, isagoona mar uu la hadlay
Warbaahintana uu sheegay inuu joogo deegaan ka tirsan Gobolka Baay.
__
Source: Jowhar
Printer Version
| |
|
|