|
|
NEWS
|
|
|
WAA KUMA MAAYARKA CUSUB EE BERBERI
December 21, 2007
Magaalada berbera ayaa muddo badan waxay ku jirtay rajo quusa oo ay dadkeedu ka
niyadjabeen sida ay noqon doonto raajadooda doorashadii degaanka berbera ka dib,
hadaba 11/03/06 ayaa waxaan goobjoob ka ahaa doorashada Maayar cusub , marxuum
Siiciid Daa,uud Cilmi runtii isla markiiba waxaa uu bilaabay taariikh cusub ,waxqabad
aad u weyn
oo rajo ku soo celisay dadweynaha berbera waxuu markiiba bilaabay inuu bixiyo
deymamkii faraha badnaa ee ay lakala wareegeen labadii maayar ee ka horeeyey oo
dhamayd qiyaas ahaan 320,000 dolar ,isagoo ku sheegay qudbadisii ugu horeysay ee
u jeediyo dadweynaha berbera taas oo ay dhamaantood qateen dadkii lahaa oo u
badnaa ganacsadayaal yaryar oo ay nolashoodu ku xidhnayd taas oo soo celisay
kalsoonidii dadka ay u qabeen d/hoose oo ay quus ka taagnayeen waxqab iyo inay
deymamkooda dib u helaan iyadoo maayaradii hore ay soo fadhiisanwayeen
xaruntooda deyntaa faraha badan ee lagu lahaa awgeed ,, oo bishiiba hal mar lagu
arki jirey saacad d/hoose taas oo la degtay waxqabadkii d/hoose lakiin maayarka
cusubi waxuu sameyey time table(jadwal)u sameeyey malmaaha dadweynaha salasada
iyo khamista iyo maalin shaqaalaha dowlada iyo maalmaha kale oo hawlihii caadiga
ahaa taasoon oo aanay waxba isdhexgelin ,hawl kastaana sideeda u fusho,
talooyinka dadweynaha wuu dhageysan-jirey..
Waxuu kor u qaaday dakhligii soo galayey d/hoose ,waxuuna dhimay kharashkii
caadiga ee ka baxayey d/hoose , waxuu baab,iiyey kharashkii saa,idka ahaa ee ay
samayn jireen maayaradii ka horeeyey kasoo la degay d/hoose , hawlahaas oo dhan
waxuu ku xaliyey aqoontiisii dhaqaalaha ee uu sitay taas oo u sahashay inuu
suurta geliyo inuu ku mareeyo maamulxumadii ay sameeyeen maayaradii ka horeeyey
, waxuu ahaa nin hal-adag oo aan la waaban kalmada runta ah oo waxkasta ka
hormariya danta Guud , iska ilaaliya xoolaha dadweynaha , waxuu ahaa nin
cibaadada aad u wanaagsan oo ay ka muuqato ficaladiisa iyo muuqiisaba , waxuu
ahaa nin daacada oo shaqo kasta ku qabta daacadnimo iyo hor ilaahay taas u
sahashay inuu ka mira-dhaliyo waxkasta oo uu bilaabo dhamadkeeduna uu guul ku
danbeeyo.
waxuu ku guulaystay inuu meel isugu keeno kooxihii ay ukala fadhiyeen d/hoose oo
aad u kala qaybsanaa taas oo la degtay hawlihii d/hoose waxuu sameeyey gudiyo
shaqeeya sida gudida dhulka , arimaha bulshada,nabadgelyda iwm kuwasoo uu ka
warhaynjirey hawlaha ay qabtaan uuna sixi jirey ,qalaadaadkooda , marka uu helo
, shirarna la yeelanjirey.
waxuu ka sameeyey magaalada Nadaafad joogto ah oo ahayd mid ay kala qayb qataan
dadweynaha magaladu oo uu ka dhex muuqdo iyo mid gaar ahaneed oo d/hoose .
Waxuu dhisay wadooyinkii magaalada gudaheeda iyo kuwii debada ee d/dhexe isagoo
wadadii madaarka ka dhigay wado cusub ,,, waxuu biyo iyo leydh geliyey xarumihii
waxbarashada berbera , waxuu soo celiyey rajadii dadka berbera ay ka quusteen
waxqab ay helaan waxuu dib u soo celiyey adeegyadii caafimaadka , isagoo markii
uu ka quustay waxqabad madaxdii wasarada caafimaadka ...u sameeyey gudi
caafimaad labada cisbitaal ee Berbera oo beri ahaan jirey kuwa Somaliland ugu
tayo wanaagsan ,gudidaas maamulaysay 7bilood taas oo ku kormeeri jirey
maalinkasta waxii ay u baahanyihiin ,ogaanjirey dabadeedna farta ka saari jirey
waxii awoodiisa ah oo uu kari karaayey, isagoo dadweynaha saaxil ku boorinjirey
inay ka qaybqataan hawlaha lagu hormarinaayo magalada Berbera isagoo dadweynaha
ka helay gacan fara badan sida Ambulance ay ku deeqday muwadinad reer Berbera ah
iyo kaalmooyin uu u helay kuliyada culuunta Badda ee Berbera.
Waxaa uu dhalinyarada Berbera ku dhiirinjirey xaga ciayaaraha isagoo koobab
tartana ah dhigi jirey siiba dhinaca ciyaaraha kubada cagta oo ku dhiirinjirey
inay xooga saraan ciyaaraha dhalinyaradu oo ka dhex muuqan jirey marka oo ay
jiraan ciyaaro ,isagoo dhigi jirey koobabka maalamaha Ciidaha waaweyn .
u malaynmaayo inaan marxuum Siciid Daa,uud Cilmi ku soo koobi karo halkan lakiin
waxaan dadweynaha berbera isweydiinayaan , dadka ReerSaaxil waxay qireen inuu
soo celiyey Marxuunku Maayaradii waxqabadka lahaa ee soo maray Berbera
1919----1991 hadana 2006-2007 waa kuma maayarka bedeli doona Marxuumkii ka baxay
Gobolka Saaxil ma kuwii horaa soo noqon doona mise mid cusub talow ka danbe ma
qaadan doonaa casharadii fiicnaa iyo wadadii wanaagsanayd uu jeexay Marxuum
Siciid Da,uud taas waxaan u deyn doonaa taariikhda iyo waqtiyada soo socda
.......lixbilood ee danbe maayarka cusub ee Berbera ee bedeli doona Marxuumkii
ka geeriyooday Marsada Berbera ..
Ilaahay haw naxariisto ,,Marxuun Siciid Daa,uud cilmi,janadii fardowsana haka
waraabiyo Inagana Samir iyo iimaan ilaahay ha inaga siiyo.
Qalinkii ,, Adan Yuusuf Cilmi ,, Birmingham ,UK
__
Source: Hadhwanaag News
Printer Version
| |
|
|