|
|
NEWS
|
|
|
Shan Boqol Oo Dhalinyaradeenan Katirsani Haka Guursadaan Walaalaheena Reer
Laascaanood Waxaa Yidhi Sheikh Aadem X. Maxamuud (sheikh Aadem-Siiro)
December 19, 2007
Marka hore waxaan hambalyo u dirayaa dhammaan shacabka reer somaliland
munaasibadda ciida aawadeed marka xigta islaamka oo dhan.
Iyadoo ay shalay ahayd sagaalaadkii, ayaa siday shareecadeenu innoo jidaysay,
tasoo ah intii aan ku jirin gudashada xajka mooyee inay inta kale soomi karaan,
soonkaasoo ah sunne, ayaa haddana waa mahad allee aad shalay arkaysay dadkii oo
caruurtii mooyaane boqolkiiba sagaashan sooman, waxaanad runtii moodaysay
Ramadaan, haddaba saaka markii salaadii subax la tukaday ayaa markaliyaata waxay
masaajiddii isla oogsadeen takbiirtii, waxaanay dadkiina bilaabeen siday iskugu
diyaarin lahaayeen salaadda Ciidda. waxaana runtii inyar kaddibba kuu muuqanayey
dadkii oo guuto guuto uga soo baxaya surinnada aqallada iyagoo ku labisan
labbisyo saaka uun bacda laga wadajaray ( labisyo cusub oon horey loo xidhan),
kudarsoo labisyadaa cusubi waxa ciidihii hore u badnaan jiray dhalinyarada
laakiin ciidan caruur iyo cirrooleba waa loo simanyahay.
Haddaba dadkaasi waxay u dareerayeen meesha ugu dhaw goobta lagu tukanayo
salaadda ciida ha ahaato meel bannaan ama masaajid weynbee. waxaana runtii inta
badan lagu tukadaa salaada ciidaha meelaha garoomada ah ee waaweyn sida:
- Garoonka weyn ee HARGEISA STADIUM
- Garoonka weyn ee GANNAD
- Garoonka XAWAADLE
- iyo waliba masaajidda waaweyn sida
- MASJID-JAAMICA masaajidkaasoo inta badan madaxweynuhu ku tukado salaadaha
ciidda
- iyo masaajidka weyn ee LIX IYO LABAATANKA JUUN ee uu dhawaan dhisay
ganacsadaha weyn ee IBRAAHIM-DHEERE, masjidkan laftiisana waxa ku tukada
madaxweyne ku xigeenka.
Haddaba anigoo kamida dadka kutukaday garoonka weyn ee XAWAADLE, haddii aan soo
qaato waxyar oo kamida khudbaddii dheerayd ee uu Sheikh Aadem X. Maxamuud (
sheikh Aadem-siiro) ka jeediyey halkaasi, runtii waxa uu sheekhu aad ugu
dheeraaday tilmaan iyo toosinna ka bixiyey waxay danta dadkan iyo dalka
Somaliand ku jirto, issagoo aad u dhaliilay dadka had iyo goor ku meeraysta
waxii laga soo gudbey waayo hore waxaasoo ahaa qabiilka oo inta badan soomaali
guud ahaanteed ragaadiyey, waxaanu sheekhu yidhi shakhsiyaadkaa qabiilka ku
meeraysanaya maaha dad danaynaya qaranimada Somaliland waxaanay wataan dano
iyaga u gaara. sidoo kale waxa uu sheikhu khudbaddiisa kusoo qaatay
dhibaatooyinka ka aloosan gobalka Sool, issagoo sheekhu la hadlaya reer soolna
waxa uu yidhi walaalayaal waxaynu nahay dad isku diin ah isku Ehlu sunna
waljamaaco ah isku af ah isku dhul ah isku dhaqan ah, haddii aad moodaysaan in
laydinkusoo duulay idinka ayaa laysku kiin dayn waxaanan leeyahay waar dadkeenaa
ha la isku daayo iyaga, somalilanderska kalena waxay ku caawin karaan haku
caawiyaan waliba waxaan somalianderska kale leeyahay waar shanboqol oo inan haka
guursadaan walaalaheena reer laascaanood, illayn Nabiguba meeshuu u taagwaayo
wuu ka guursan jiree.
Haddii aan intaasi kaga gudbo khudbaddii sheikh Aadem-siiro ka jeediyey GAROONKA
XAWAADLE , waxaan farxadda ciidda markale salaamayaa dhammaan ummadda islaamka
oo dhan meelkastooy joogaanba. waxaanan leeyahay taqabbalallaahu minnaa wa
minkum.
CIID-WANAAGSAN.
__
Source: Hadhwanaag News
Printer Version
| |
|
|