|
|
NEWS
|
|
|
Wadooyinka ka tirsan Caasimada Muqdisho oo furmay, halka qeybo kalena ay wali xiran yihiin
April 30, 2007
Xaafado ka tirsan Magaalada Muqdisho ayaa wali xiran, iyadoo qaarkood ay wali ku leeyihiin raadadkii
Dagaalada.
Wadooyinka ka tirsan Magaalada ayaa furmay, halka kuwa kalena ay wali xiran
yihiin, kadib markii dagaalo socday muddo ka badan todobaad ay ka dhaceen.
Xaafadihii ugu badnaa ee dadku ay ka barakaceen sida Huriwaa iyo qeybo ka mid ah Yaaqshiid ayaa waxa ay yihiin kuwo wali aan loo ogoleyn in gaadiidka ay
galaan, iyadoo goobahaasi ay ku sugan yihiin ciidamada Dowladda iyo kuwa Ethiopia.
Wadooyin kala Degmooyinka Huriwaa Yaaqshiid ayaa ah kuwo aan wali loo ogolaan in ay galaan
gaadiid, halka wadada Jidka Warshadaha ay bilaabeen in ay gaadiidka maraan maalintii
shalay.
Iyadoo dadkii ka barakacay Magaalada Muqdisho ay dib ugu soo laabanayaan ayaa hadana waxaanu jirin qeybo ka tirsan Xaafadihii ay Dagaaladu ka dhaceen oo aan wali la geli Karin.
Xaafada Towfiiq, Miisaanka Dhuxusha, Stadium Muqdisho, Wadada Xararyaale, Cali Kamiin ilaa xamar bile, halkaasoo ay ahaayeen goobihii sida ba’an ay isugu fara saaraan dhinacyadii
dagaalameysay.
Goobaha ay Dagaalada qaraar ay kla dhaceen ayaa waxaa lagu arkayaa Ciidamada Ethiopia oo xiray
Wadooyinka, isla markaana dadka u diiday in ay maraan ama ay booqdaan guryahooda.
Si kastaba ha ahaatee wadooyinka magaalada Muqdisho ayaa maalintii labaad waxaa lagu arkayaa gaadiid sida qoysas badan oo dib ugu soo laabanaya
caasimadda.
__
Source: Jowhar
Printer Version
| |
|
|