 The
Golden Jubilee
50 Guuradeedii
Gummeysigu u daayeey
Gobanimada hanataa
Gaani ay u heestee
U garaac durbaanoo
Geblee shinbir ciyaar iyo
Ubax gun iyo baar baxay1
Hiddaheena gaarka ah2
Gelbis keedu uu yahay
Waa Hargeysa Gaanaay
Taa guul ku tidhiyee
Gayiguna dhammaantii
Sacabkii garaacaye
Ka gudoon salaantoo
Misna gacan u fidiyoo
Garabsii aqoonsiga
Geeskiyo galbeedkaa
Gaar uga mudheenoo
Dimoqraadi gaadheen
Geedkiisu baxayoo
La gurtaa wuxuu dhalay
Waa Hargeysa Gaanaay
Taa gacal u aragtee
Akra garab agtaagani
U heesaysa guulaha
Geyiguna dhamaantii
Geeraaro soo faray
Ka gudoon salaantoo
Misna gacan u fidiyoo
Garabsii aqoonsiga
Osagyeefo3 geesigi
Waxaan gaar u leeyahay
Ghanadaad xoreysiyo
Guubaabadaadii
Afrikadu gadoodee
Gibisha iska tuurtiyo
Noodii go'aankii4
Giniyaad malyuunaad
Gini5 waxaad u deeqdaa
Baal gaar ah lagu qoray
Ghanana waxaan idhi
Abidkaa ha gaagixin
Hadhargoo gurboodkaa
Ka ilaali gaajada
Ganacsiguna xooggii
Guud sarre dhaqaaluhu
Guulaha u kala geli
Soomaaliland garo
Waxa gubaya maantoo
Ka gudoon salaantoo
Misna gacan u fidiyoo
Garabsii aqoonsigga
Axmed Y. Ducaale
1. Ubax Gun Iyo Baar Baxay: Heestii Cabdilaahi Sagsaag ee caanka
ahayd
2. Hidda Heena Gaarka Ah: Heestii Cabdilaahi Sagsaag ee caanka ahayd
3. Osagyeefo : Magac amaan ah oo la raacin jiray kwami Nrumah la raacin
jiray magaciisa
4. Noodii go'aankii: "Waa Weedii iyo Noodii France ay waydiisay dalalkay
xukumaysay 58kii oo Guinea "Konakary" ay No tidhi sidaana ay xornimadii
ku heshay. "kadibna francsiikii aroor ka guuray waxkastana uu qaatay.
5. Gini: 10 Malyuun oo gini ayuu kuwami nkrumh ugu deeqay Gunea aroortuu
Faransiisku ka baxay
|
