|
|
NEWS
|
|
|
Dimuqraadiyadeynta Xisbiyada: Soo Saarka Iyo
Magaacaabida Murasharaxiinta - Qeybtii 6-aad
December 9, 2007
Xisbi kastaa, sida dhaqanka guud yahay dastuurkiisa ayaa tilmaama cidda iska leh
mas'uuliyada, soo saarida iyo magacaabida murashaxiinta, laga bilaabo Dowladaha
Hoose lagu xigsiiyo Golaha Wakiilada tan iyo madaxweynaha iyo
madaxweyne-ku-xiggeenka. Sidaa iyada oo ay tahay, ayaa loo badanyahay, ama
laysku raacsan yahay, in murashaxiinta Dowladaha Hoose oo ah heerka uga hooseeya
ee maamul, ay tahay masuuliyada hoggaanka xisbigga ee heer degmo. Sababtu waxa
ay tahay, murashaxiinta la soo saarayaa waxay maamulayaan degmadda. Markaa dadka
degmadda maamulkeeda loo doonanayo , waa inay gudidi xisbigga ee degmadu soo
saartaa. Waayo? gudida degmada ee xisbiggu, madaama ay tahay gudi u dhuun
daloosha xubnaha xisbigga, ee hungareynayaa in doorashada loo soo xulo, siday
ugu kala haboon yihiin, qabashada xilkaa, ayaa waajibineysa in hawshaa loo daayo,
gudidaa xisbiga ee heer degmo.
Xilalka xisbigga loo hayo iyo hogaamintiisa heer tuulo, heer degmo, heer gobol
iyo heer qaran waa iney qeexnaataa oo, mid kastana ay cadaataa oo aanay muran ku
jirin qaybta hoggaaminta xisbigga uu ku leeyahay soo saarkii iyo magacaabidii
musharaxiinta dowlada hoose ayaa tusaalo ahaan maanta taagan . Gudoomiyaha
xisbigu ma soo saari karo amna magacaabi karo musharaxiinta degmo heblaayo.
Sidaa si leeg, Gudoomiyaha Gobolka ee Xisbiguna hawshaa ma laha. Labaduba waa
ineey hawshaa, soo saarka iyo magacaabida musharaxiinta Dowlada Hoose ee dawlada,
ay marti uga ahaadaan Gudida Xisbiga ee Degmada hadii gudida degmada, khilaaf ka
dhexdhaco; kaas oo ku saabsan soo saarida iyo magaacaabid iyo musharaxiinta
Dowlada Hoose G.G/xisbiga ayaa dhexdhaxaadinta hore leh haduu ku guuleysan waayo,
hogaanka saree xisbigaa markaas ayuu soo fari gelinkaraa. Xaqiiqaduna waxay
tahay, kolba xisbi kasta dastuurkiisu siduu u qoran yahay, markey xaaladahaas oo
kale dhacaan, ayaa lagu dhaqmayaa.
Qodobka aan doonayaa in aan hoos ka xariiqo, waxuu yahay, in xil-qaybsiggu,
xisbiyada dhexdooda uu inoo noqdo dhaqan; dhaqankaas oo sidey runtu tahay,
dimuqraadiyada asaas u ah waxaan isku dayayaa inaan ka digo in hoggaanka saree
xisbiyadu uu noqdo, ka markey timaado soo saar iyo magacaabid musharax, uu yahay
ka go'aanka keligii leh. Haddii soosaarka iyo magacaabidda musharaxa heer D/hoose
heer G/wakiil iyo heer Madaxtooyo ba, hoggaanka sare xisbigu yeesho, guddiga
xisbiga ee gobolka iyo ka degmadu, jirida ay jiraan ayaa macna
beeleysa.Dimuqraadiyadii xisbigga gudihiisa ayaa tirtirmaysa. Arrinkii wuxuu ku
dhamaanayaa hoggaanka sare oo had iyo jeer amar laga suggo.
(La Soco ......)
Qaraalkii: Axmed Y. Ducaale
Printer Version
| |
|
|