|
Eray Meesha Ku jira:
Ahmed Y. Dualeh
Waxay ahayd mar horeba, haddeynu nahay Reer Somaliland, in
aynu middeyno dadaalka aynu ugu jiro aqoonsiga Somaliland.
Soo jeedinta ay soo jeedisay Gudidii Qabanqaabada Banaanbaxyada lagu
taageerayo gooni-isu-taagga iyo aqoonsiga Somaliland, soo
jeedintaas oo ah in la sameeyo guddi heer qaran ah oo ka hawl gasha aqoonsiga
Somaliland, waa eray meesha ku jira . Sida Ingiriisku yidhaa"It is
never too late". Sideedaba ciyaarina waa gelin danbe.
Hawl maalmeedka dalka, gudaha iyo dibadaba, xukuumadda ayaa u xil saaran.
Laguma qordin karo. Haddii ay gudidaasi sameysanto hawl qabadkeedu waa in uu
noqdaa ku ay xukuumada isla meel dhigeen. Fulinta hawl qabadkaasina waa in uu
ahaadaa ku wadajir loo hirgelinayo. Waxaan ka digayaa in aan xukuumaduna u
arag gudidaasoo kale iney soo gelayso xayndaabkii dastuurigga ahaa ee hawl
qabadka xukuumadda. Isla markaa gudidaasina waa iney ku dadaashaa in aanay isu
arag mid hawlqabadkii dastuuriga ahaa ee xukuumadda qayb laga siiyey. Arrinku
ha ku koobmo soo jeedin iyo tala bixin labada dhinacba ka timaada, taasoo dood
laga wadaago heshiiskii laga gaarana qaabka loo fulinayo laysla meel dhigo.
Gudidaa heerka qarana kana koobnaan doonta 3-da xisbi, urrurada rayidka
ah iyo dadkii reer Somaliland ee khibradda u lahaa xidhiidhka caalamiga ah (INTERNATIONAL
RELATIONS) sida Diplomaasiyiintii Somaliland ee hore. Guddi
xukuumi ah oo aad u kooban ay hogaamineysana Wasaarada Arrimaha Dibbadu ha
noqoto ta Guddida qaran ay wada shaqeynayaan, ama gudidaa xukuumiga ahi ha
ka mid noqdo gudida qaran qudheeda. Hawshaas oo kale iyo habdhaqanka dadka
hawshaa wadaa ma noqon karo wada shaqayntoodu"Adverserial" mid sutida laysu
hayo idhiyaa. Dabeecada hawshaasi waa in ay noqotaa had iyo jeer coddeyn
taladeeda tu aan lagu gaarin laakiinse uu
consensus (Heshiis guud la adeegsado. Waxa
laga yaabaa ama runtii loo baahnaan doonaa xeer hoosaad kooban oo lagu wada
shaqeeyo. Gabagabeyn, Waxaan marlabaad ka digayaa in aaney ka muuqan gudidaa
qaran sansaan sinaba laga garan karo inay fara gelineyso hawlmaalmeedka
xukuumadda. Waxaan xukuumaddana kula talinayaa haddii gudidaa qaran ay
saameysanto iney u aragto gudidaasi tu ka kaalmeyneysa, hawl qabadkeeda ku
wajahan aqoonsiga; iyadoo u mareysa gudidu kaalmeyntay Xukuumadda kaalmeyneyso
talo bixin iyo wixii laysla garto oo lagu heshiiyo qaabka loo
hirgelinayo. Waxaan rajeynayaa in aan qoraalkan kooban ku soo gudbiyey
fikrad-taageerada la darsi karo.
____
Ahmed Y. Dualeh
January 22, 2007
|
|
|
